സംവിധായകനായുള്ള അരങ്ങേറ്റം ഷാഹി മോശമാക്കിയിട്ടില്ല. മേക്കിംഗില് പുതുമ കൊണ്ടു വരാനും, റിയലിസ്റ്റിക് ആയി തന്നെ കഥ പറയുവാനും ഷാഹിയ്ക്ക് സാധിച്ചിട്ടുണ്ട്. പതിഞ്ഞ താളത്തില് കഥ പറഞ്ഞു പോകുന്ന സിനിമയാണ് ഇല വീഴാ പുഞ്ചിറ. പതിയെ പതിയെ ഒരോ സന്ദര്ഭങ്ങളും ക്ലൈമാക്സിലേക്ക് ബില്ഡ് ചെയ്ത് കൊണ്ടു വരുന്നതിലും മേക്കിംഗിലുടനീളം നിയന്ത്രണം പാലിക്കാനും അദ്ദേഹത്തിന് സാധിച്ചിട്ടുണ്ട്. മലയാളം ത്രില്ലറുകളിലെ സ്ഥിരം ബഹളങ്ങളൊന്നുമില്ലാത്ത സിനിമയാണ് ഇല വീഴാ പൂഞ്ചിറ.