ബ്രഹ്മാണ്ട ചിത്രം ആദിപുരുഷിലെ ചില സംഭാഷണങ്ങൾ ഒഴിവാക്കാൻ അണിയറപ്രവർത്തകർ ഒരുങ്ങുന്നു. ചിത്രത്തിലെ സംഭാഷണങ്ങൾക്ക് ട്രോളുകളും വിമർശനങ്ങളും ലഭിച്ചതിന് പിന്നാലെയാണ് നടപടി.ആദിപുരുഷിന് ലോകത്തൊട്ടാകെ മികച്ച പ്രതികരണമാണ് ലഭിക്കുന്നതെന്നും എല്ലാ പ്രായത്തിലുള്ള പ്രേക്ഷകരുടേയും ഹൃദയം കീഴടക്കാൻ ചിത്രത്തിനായി എന്നും അണിയറപ്രവർത്തകർ പ്രസ്താവനയിലൂടെ അറിയിച്ചു.
Read: ‘ശരിയായ ആളുകളോടൊപ്പമല്ല ജോലി ചെയ്തത്’; ധ്രുവനച്ചത്തിരത്തെ കുറിച്ച് ഗൗതം വാസുദേവ് മേനോൻ.
ഒരു അവിസ്മരണീയമായ സിനിമാ അനുഭവം സമ്മാനിക്കുന്നതിനായി പ്രേക്ഷകരുടെ അഭിപ്രായം മാനിച്ച് ചിത്രത്തിലെ സംഭാഷണങ്ങളിൽ മാറ്റം വരുത്തുകയാണെന്നും അണിയറപ്രവർത്തകർ കൂട്ടിച്ചേർത്തു.സംഭവത്തിൽ പ്രതികരണവുമായി ആദിപുരുഷിന്റെ സംഭാഷണങ്ങൾ എഴുതിയ മനോജ് ശുക്ലയും എത്തിയിട്ടുണ്ട്. താൻ ആദിപുരുഷിനായി 4000 വരികൾ എഴുതിയെന്നും പ്രശ്നം ആരോപിക്കുന്നത് കുറച്ച് വരികളിലാണെന്നും മനോജ് പറഞ്ഞു.
Read: ‘ലിയോ’ പോസ്റ്ററിനെതിരെ അൻപുമണി രാമദോസ്;’വിജയ് വാക്കു പാലിച്ചില്ല’.
ബാക്കിയുള്ള നൂറോളം വരികളിൽ താൻ രാമനെയും സീതയേയും പ്രകീർത്തിക്കുകയാണെന്നും അതിന് ആരും തന്നെ പ്രശംസിച്ചില്ലെന്നും അദ്ദേഹം ട്വിറ്ററിൽ കുറിച്ചു.ആരാധകർ ഏറെ പ്രതീക്ഷയോടെ കാത്തിരുന്ന ആദിപുരുഷ് വെള്ളിയാഴ്ചയാണ് തിയേറ്ററുകളിലെത്തിയത്. ചിത്രത്തിലെ ഡയലോഗുകളും വി.എഫ്.എക്സും ഏറെ ട്രോളുകൾ ഏറ്റുവാങ്ങിയിരുന്നു. ഹനുമാന്റെ സംഭാഷണവും വിവാദമായതിൽ ഉൾപ്പെടുന്നു.ഓം റൗട്ട് സംവിധാനം ചെയ്ത ആദിപുരുഷിനെതിരെ ഹിന്ദു സേന എന്ന സംഘടന പൊതു താൽപര്യ ഹർജി സമർപ്പിച്ചിരുന്നു.
Read: ‘പറഞ്ഞത് നല്ല കാര്യം’; വിജയിയുടെ പരാമർശത്തിൽ പ്രതികരണവുമായി ഉദയനിധി സ്റ്റാലിൻ.
ചിത്രം രാമായണത്തെയും ശ്രീരാമനെയും ഹൈന്ദവ സംസ്കാരത്തെയും അപമാനിക്കുകയാണെന്ന് ആരോപിച്ചാണ് ഡൽഹി ഹൈക്കോടതിയിലാണ് പൊതു താൽപര്യ ഹർജി സമർപ്പിച്ചിരിക്കുന്നത്.ചിത്രത്തിന്റെ പ്രദർശനം റദ്ദാക്കണമെന്നും സെൻസർ ബോർഡ് ഇടപ്പെട്ട് ചിത്രം നിരോധിക്കണമെന്നുമാണ് സംഘടനയുടെ ആവശ്യം. നേതാവ് വിഷ്ണു ഗുപ്തയുടെ നേതൃത്വത്തിലാണ് ഹർജി നൽകിയിരിക്കുന്നത്.
Read: അര്‍ജുന്‍ അശോകന്റെ ‘ത്രിശങ്കു’ ദിവസങ്ങള്‍ക്കുള്ളില്‍ ഒ.ടി.ടിയില്‍
പ്രഭാസിന് പുറമേ കൃതി സനോൺ, സെയ്ഫ് അലിഖാൻ, സണ്ണി സിംഗ്, ദേവ്ദത്ത് നാഗേ എന്നിവരാണ് ചിത്രത്തിലെ പ്രധാന താരങ്ങൾ. ടി-സീരിസ്, റെട്രോഫൈൽ ബാനറിൽ ഭൂഷൺ കുമാറും കൃഷ്ണകുമാറും ഓം റൗട്ടും ചേർന്നാണ് ചിത്രം നിർമിക്കുന്നത്. സാഹോയ്ക്കും രാധേ ശ്യാമിനും ശേഷം നിർമാതാവായ ഭൂഷൺ കുമാറുമായുള്ള പ്രഭാസിന്റെ മൂന്നാമത്തെ പ്രോജക്ടാണ് ആദിപുരുഷ് എന്ന ത്രീഡി ചിത്രം.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക