ദളപതി വിജയിയുടെ പിറന്നാൾ ദിനത്തിൽ പ്രതീക്ഷയോടെ ആരാധകർ കാത്തിരുന്ന ‘ലിയോ’യുടെ ഫസ്‌റ്റ്ലുക്ക് പോസ്‌റ്റർ പുറത്തുവിട്ട് ലോകേഷ് കനകരാജ്. ലോകേഷ് സിനിമാറ്റിക് യൂണിവേഴ്‌സിലേക്ക് ചേർക്കപ്പെടുന്ന ചിത്രമാണോ ഇതെന്ന സംശയം ഉണർത്തുന്ന പോസ്‌റ്ററാണ് ഇന്ന് പുറത്തുവിട്ടിരിക്കുന്നത്. പോസ്‌റ്ററിൽ ചുറ്റിക ആഞ്ഞ് വീശുന്ന സൂപ്പർ സ്‌റ്റാർ വിജയിയെ കാണാം. ഒപ്പം രക്തം ചിന്തുന്നതും, കൈവിരലുകളും വ്യക്തമാണ്.
മുൻകാലങ്ങളിലേത് പോലെ തന്നെ പ്രവചനങ്ങൾക്ക് അതീതമായ ലോകേഷ് സ്‌റ്റൈൽ പോസ്‌റ്റർ തന്നെയാണ് ഇക്കുറിയും ഒരുക്കിയിട്ടുള്ളത്. ഒരു സമ്പൂർണ ആക്ഷൻ ത്രില്ലർ തന്നെയാണ് അണിയറയിൽ ഒരുങ്ങുന്നതെന്ന് പോസ്‌റ്റർ ഉറപ്പ് നൽകുന്നുണ്ട്.
Read: ‘പത്ത് സിനിമകൾ ചെയ്ത ശേഷം സംവിധാനം നിർത്തും’; ലോകേഷ് കനകരാജ്.
മാസ്‌റ്റർ എന്ന ചിത്രത്തിന് ശേഷം വിജയ് മറ്റൊരു ലോകേഷ് ചിത്രത്തിൽ നായകനായി എത്തുന്നതിന്റെ പ്രതീക്ഷയിലാണ് തമിഴ് സിനിമാ ലോകം. മാനഗരം മുതൽ ഇങ്ങോട്ട് ചെയ്ത എല്ലാ ചിത്രങ്ങളിലും തന്റേതായ കൈയ്യൊപ്പ് പതിപ്പിച്ചിട്ടുള്ള ലോകേഷ് മാജിക് ഒരിക്കൽ കൂടി സ്‌ക്രീനിൽ കാണാനുള്ള കാത്തിരിപ്പിലാണ് ആരാധകർ.സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമ്മിക്കുന്നത്.
Read: തമന്നയും വിജയ് വർമ്മയും വീണ്ടും ഒന്നിക്കുന്നു;ലസ്റ്റ് സ്റ്റോറീസ് 2: ട്രെയിലർ പുറത്തിറങ്ങി
അടുത്തിടെ ചിത്രത്തിലെ ഒരു ഗാനത്തിന്റെ പ്രമോ വീഡിയോ അണിയറ പ്രവർത്തകർ പുറത്തുവിട്ടിരുന്നു. വിജയ്, തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്‌കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നത്. ചിത്രത്തിനായി അനിരുദ്ധ് സംഗീതം ഒരുക്കുന്നു .
Read: ബോക്സ് ഓഫീസിൽ കുതിച്ച് വിഘ്‌നേഷ് രാജ് ചിത്രം പോര്‍ തൊഴില; ഓ ടീ ടീ റിലീസ് പ്രഖ്യാപിച്ചു.
വാരിസിനും മാസ്റ്ററിനും ശേഷം സെവൻ സ്‌ക്രീൻ സ്റ്റുഡിയോസ് നിർമിക്കുന്ന ചിത്രമാണ് ദളപതി 67. ഡി ഓ പി : മനോജ് പരമഹംസ, ആക്ഷൻ : അൻപറിവ് , എഡിറ്റിങ് : ഫിലോമിൻ രാജ്, ആർട്ട് : എൻ. സതീഷ് കുമാർ , കൊറിയോഗ്രാഫി : ദിനേഷ്, ഡയലോഗ് : ലോകേഷ് കനകരാജ്,രത്നകുമാർ & ധീരജ് വൈദി, എക്‌സിക്യൂട്ടീവ് പ്രൊഡ്യൂസർ : രാം കുമാർ ബാലസുബ്രഹ്‌മണ്യൻ. ഒക്ടോബർ 19 ന് ലോകമെമ്പാടും ലിയോ തിയേറ്ററുകളിൽ എത്തും.പി ആർ ഓ : പ്രതീഷ് ശേഖർ.
കൂടുതൽ ലിയോ അപ്ഡേറ്റുകൾ കാണുവാനായി ഇവിടെ ക്ലിക്ക് ചെയ്യുക