രാഷ്ട്രീയ പ്രവേശനത്തിന് മുന്നോടിയായി വിജയ് പദയാത്രയ്ക്ക് ഒരുങ്ങുന്നുവെന്ന് സൂചനകള്‍. ‘ലിയോ’ സിനിമയ്ക്ക് മുമ്പ് തന്നെ പദയാത്രയുണ്ടാകും എന്നാണ് ദേശീയ മാധ്യമങ്ങളില്‍ എത്തുന്ന റിപ്പോര്‍ട്ടുകള്‍. ഇതിനെ കുറിച്ച് 234 നിയമസഭാ മണ്ഡലങ്ങളിലും പൊതുയോഗം വിളിച്ച് സംസാരിക്കുമെന്നാണ് സൂചന.
Read: ബോക്ക്സ് ഓഫീസിൽ ചരിത്രം കുറിക്കാൻ ജവാൻ; മോട്ട ലുക്കിൽ കിങ് ഖാൻ.
കഴിഞ്ഞ ദിവസം ഫാന്‍സ് അസോസിയേഷന്‍ വിജയ് മക്കള്‍ ഈയക്കത്തിന്റെ പ്രവര്‍ത്തകരുമായി താരം കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയ്ക്കിടെയാണ് പദയാത്രയെ സംബന്ധിച്ചുള്ള ചര്‍ച്ചകള്‍ നടന്നത്. ആരാധക കൂട്ടായ്മയുടെ നേതൃത്തില്‍ പദയാത്ര ഉടന്‍ ഉണ്ടാകുമെന്നും റിപ്പോര്‍ട്ടുകളുണ്ട്.ചെന്നൈയ്ക്ക് സമീപം പനയൂരിലുള്ള വിജയ്‌യുടെ ഫാം ഹൗസിലായിരുന്നു ന്നലെ യോഗം നടന്നത്. രാഷ്ട്രീയ പ്രവര്‍ത്തനത്തിനായി സിനിമയില്‍ നിന്നും വിജയ് ഇടവേളയെടുക്കുമെന്ന അഭ്യൂഹങ്ങള്‍ പ്രവര്‍ത്തകര്‍ തള്ളിക്കളഞ്ഞു.
Read: ആരാധകരെ ആവേശം കൊള്ളിച്ച് ‘ജവാൻ’ ടീസർ പുറത്ത്; രണ്ട് ഗെറ്റപ്പിലാണ് ഷാറുഖ് എത്തുന്നത്.
സംഭവത്തില്‍ ഔദ്യോഗിക പ്രഖ്യാപനങ്ങള്‍ ഒന്നും ഇതുവരെ പുറത്തു വന്നിട്ടില്ല.അതേസമയം, കഴിഞ്ഞ ദിവസം ലിയോയുടെ ചിത്രീകരണം പൂര്‍ത്തിയാക്കിയ വിജയ്‌യുടെ ഡബ്ബിഗും തുടങ്ങിയിട്ടുണ്ട്. ഇതിന് ശേഷം വെങ്കട് പ്രഭു ചിത്രത്തില്‍ വിജയ് അഭിനയിക്കും. ഒക്ടോബര്‍ 19 നാണ് ലിയോ തീയേറ്ററുകളിലെത്തുക, അതിന് മുന്‍പ് തന്നെ വെങ്കട് പ്രഭു ചിത്രവും പൂര്‍ത്തിയാക്കി പദയാത്രയിലേക്ക് കടക്കുമെന്നാണ് സൂചന.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക