ബോളിവുഡിൻ്റെ കിംഗ് ഖാൻ ഷാരൂഖ് ഖാൻ ചിത്രം ‘ജവാൻ’ 500 കോടി ക്ലബ്ബിൽ. നാല് ദിനങ്ങൾ കൊണ്ടാണ് ചിത്രം ഈ നേട്ടം സ്വന്തമാക്കിയത്. ആദ്യ ദിനം നൂറ് കോടിയിലധികം രൂപ ആഗോളതലത്തിൽ ജവാൻ നേടിയിരുന്നു.
Read: 18 പ്ലസ് ഒടിടി റിലീസിന്; സ്ട്രീമിംഗ് എന്ന് ആരംഭിക്കും?
സംവിധായകൻ അറ്റ്ലീയാണ് കളക്ഷനെക്കുറിച്ചുള്ള വിവരം പങ്കുവെച്ചത്. 520.79 കോടി രൂപയാണ് ചിത്രം ഇതുവരെ സ്വന്തമാക്കിയത്.സെപ്തംബർ ഏഴിന് റിലീസ് ചെയ്ത ചിത്രം ബോക്സോഫീസിൽ പുതുചരിത്രം കുറിക്കുകയാണ്. പഠാന് പിന്നാലെ ജവാനും 1000 കോടി നേടുമെന്നാണ് അനലിസ്റ്റുകളുടെ പ്രവചനം.
വാരാന്ത്യത്തിലെ ഏറ്റവും ഉയർന്ന കളക്ഷൻ നേടിയ ചിത്രമാണ് ജവാനെന്നാണ് അണിയറപ്രവർത്തകർ അവകാശപ്പെടുന്നത്.കേരളത്തിലും തമിഴ്നാട്ടിലും സമ്മിശ്രപ്രതികരണങ്ങളാണ് ചിത്രത്തിന് ലഭിക്കുന്നതെങ്കിലും ഉത്തരേന്ത്യയിൽ ഗംഭീര സ്വീകരണമാണ് ലഭിച്ചുകൊണ്ടിരിക്കുന്നത്.
Read: വർമൻ എന്ന കഥാപാത്രം ഇത്ര മികച്ചതാവാനുള്ള കാരണം രജനിസാർ ആണ്; വിനായകൻ.
ചിത്രം പെെറസി വെബ്സെെറ്റുകളിൽ ചോർന്നിട്ടും തിയേറ്ററുകളിൽ കൊടുങ്കാറ്റായി മാറുകയാണ്. നയൻതാര, വിജയ് സേതുപതി എന്നിവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിൽ പ്രിയാമണി, യോഗി ബാബു എന്നിവരുമുണ്ട്. ദീപിക പദുക്കോൺ, സഞ്ജയ് ദത്ത് എന്നിവർ അതിഥി കഥാപാത്രങ്ങളെ അവതരിപ്പിക്കുന്നു. അനിരുദ്ധ് രവിചന്ദറാണ് സംഗീതം. റെഡ് ചില്ലീസിന്റെ ബാനറിൽ ഗൗരി ഖാനും ഗൗരവ് വർമയും ചേർന്നാണ് ‘ജവാൻ’ നിർമിച്ചിരിക്കുന്നത്.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക