ദളപതി വിജയ് ആരാധകർ ഒരുപോലെ കാത്തിരിക്കുന്നൊരു ചിത്രമാണ് ലിയോ. ലോകേഷ് കനകരാജ് സംവിധാനം ചെയ്യുന്ന വിജയ് ചിത്രം എന്നതാണ് ലിയോയുടെ കാത്തിരിപ്പിന് മൂർച്ച കൂട്ടുന്നത്. സൂപ്പർ സംവിധായകനും സൂപ്പർ താരവും ഒന്നാവുമ്പോൾ ഹിറ്റിൽ കുറഞ്ഞതൊന്നും തന്നെ പ്രേക്ഷകർ പ്രതീക്ഷിക്കുന്നുമില്ല.
READ: വമ്പൻ വിജയം സ്വന്തമാക്കി ആര്‍ഡിഎക്സ്; പുതിയ കളക്ഷൻ റിപ്പോര്‍ട്ട് പുറത്ത്.
അതുകൊണ്ട് തന്നെ ചിത്രത്തിന്റെ ഓരോ അപ്ഡേറ്റും പ്രേക്ഷകർ ആവേശത്തോടെ ഏറ്റെടുക്കുന്നതും. ഒക്ടോബർ 19നാണ് ലിയോ തിയറ്ററിൽ എത്തുക. ഇതിനോട് അനുബന്ധിച്ച് കഴിഞ്ഞ കുറച്ച് ദിവസങ്ങളായി ചിത്രത്തിന്റെ പോസ്റ്ററുകൾ പുറത്തിറക്കുകയാണ്. ഓരോ ദിവസവും ഓരോ ഭാഷയിലെ പോസ്റ്റർ എന്ന നിലയിലാണ് അണിയറപ്രവർത്തകർ ഷെയർ ചെയ്യുന്നത്. ഓരോന്നിലും വ്യത്യസ്ത ലുക്കിലും ഭാവത്തിലും ഉള്ള വിജയിയെ കാണാനും സാധിക്കും. അതോടൊപ്പം സസ്പെൻസും കൗതുകവും ഉണർത്തുന്ന ചെറു കുറിപ്പുകളും ഉണ്ട്.
READ: ഓരോ ദിവസവും കളക്ഷനിൽ കുതിച്ച് ഷാരൂഖിന്റെ ജവാൻ(Jawan); ബോക്സ് ഓഫീസ് റിപ്പോർട്ട് പുറത്ത്.
ഇന്ന് ലിയോ ഹിന്ദി പോസ്റ്റർ ആണ് പുറത്തിറങ്ങിയിരിക്കുന്നത്. ചിത്രത്തിൽ വില്ലൻ വേഷത്തിൽ എത്തുന്ന സഞ്ജയ് ദത്തും പോസ്റ്ററിലുണ്ട്. ‘ശാന്തമായി ചെകുത്താനേ അഭീമുഖികരിക്കുക’, എന്നാണ് പോസ്റ്ററിലെ വാചകം. മുമ്പ് വന്ന തമിഴ് പോസ്റ്ററിൽ ‘ശാന്തമായി യുദ്ധത്തിന് തയ്യാറാകൂ’, കന്നഡ പോസ്റ്ററിൽ ‘ശാന്തമായി രക്ഷപ്പെടാൻ പദ്ധതിയിടുക’, തെലുങ്ക് പോസ്റ്ററിൽ ‘യുദ്ധമൊഴിവാക്കൂ’, എന്നിങ്ങനെ ആണ് കുറിച്ചിരുന്നത്. ഈ പോസ്റ്റർ എല്ലാം കണ്ട് ആകെ കൺഫ്യൂഷൻ അടിച്ചിരിക്കുകയാണ് ആരാധകർ.
പ്രതീക്ഷിക്കുന്നതിലും അധികമായി എന്തോ ലോകേഷ്- വിജയ് ചിത്രം പ്രേക്ഷകർക്ക് സമ്മാനിക്കും എന്ന് ഉറപ്പാണ്. തൃഷയാണ് ലിയോയിൽ വിജയിയുടെ നായികയായി എത്തുന്നത്. ഏറെ നാളുകൾക്ക് ശേഷം ഹിറ്റ് ജോഡികൾ വീണ്ടും ഒന്നിക്കുന്നത് കാണാൻ കാത്തിരിക്കുകയാണ് മലയാളികൾ ഉൾപ്പടെ ഉള്ളവർ. സഞ്ജയ് ദത്ത്, അർജുൻ, അർജുൻ ദാസ്, മാത്യു തോമസ്, മൻസൂർ അലി തുടങ്ങി നിരവധി പേർ ലിയോയുടെ ഭാഗമാകുന്നുണ്ട്.
കൂടുതൽ പോസ്റ്റുകൾ കാണുവാൻ ഇവിടെ ക്ലിക്ക് ചെയ്യുക.
