ബോളിവുഡിൻ്റെ കിംഗ് ഖാൻ ബോക്സ് ഓഫീസിലും കിംഗ് തന്നെ എന്ന് തെളിയിക്കുന്ന വാർത്തകൾ ആണ് പുറത്തുവരുന്നത്. ഷാരുഖ് ഖാൻ ചിത്രം ജവാൻ ആഗോള ബോക്സോഫീസിൽ 1000 കോടി പിന്നിട്ടിരിക്കുകയാണ്. ഇതോട് കൂടി രണ്ട് ചിത്രങ്ങൾ ഒരു വർഷം 1000 കോടി നേടിയ ചിത്രമെന്ന റെക്കോർഡും ഷാരൂഖ് സ്വന്തമാക്കി. ചിത്രത്തിൻറെ ആഭ്യന്തര കളക്ഷൻ മാത്രം 560.83 കോടിയാണ്.
ALSO READ: ആരാധകരെ ആവേശം കൊള്ളിക്കാൻ ‘ആർ.ഡി.എക്സ് നെറ്റ്ഫ്ളിക്സിൽ.
കേരളത്തിൽ ചിത്രം 17 ദിവസം കൊണ്ട് മികച്ച കളക്ഷനാണ് നേടിയത്. ആഗോള തലത്തിൽ 1000 കോടിയും രാജ്യത്താകെ 560 കോടിയും കേരളത്തിൽ 13 കോടിക്ക് മുകളിലുമാണ് ജവാൻൻറെ കളക്ഷൻ.തമിഴ് സംവിധായകനായ അറ്റ്ലിയുടെ ആദ്യ ഹിന്ദി ചിത്രമാണ് ജവാൻ. 6 ദിവസം കൊണ്ട് ചിത്രം കേരള ബോക്സോഫീസിൽ നിന്നും 10.5 കോടിയാണ് നേടിയത്. അതേസമയം ചിത്രം അഞ്ച് ദിവസം കൊണ്ട് തമിഴ് ബോക്സോഫീസിൽ നിന്നും 15.50 കോടിയാണ് നേടിയത്. ചിത്രത്തിൽ ഷാരൂഖ് ഖാൻ ഇരട്ടവേഷത്തിലാണ് അഭിനയിക്കുന്നത്.
ALSO READ: ജയം രവി ചിത്രത്തിന് എ സരട്ടിഫിക്കറ്റ്; ചർച്ച ചെയ്ത് ആരാധകർ.
വിജയ് സേതുപതി, പ്രിയാമണി, ദീപിക പദുക്കോൺ, സന്യ മൽഹോത്ര, സുനിൽ ഗ്രോവർ, റിദ്ദി ഡോഗ്ര എന്നിവരും ജവാനിൽ പ്രധാന വേഷങ്ങളിൽ എത്തുന്നു. ഹിന്ദി, തമിഴ്, തെലുങ്ക് ഭാഷകളിലായി സെപ്റ്റംബർ 11-നാണ് ലോകമെമ്പാടുമുള്ള തിയേറ്ററുകളിൽ ചിത്രം റിലീസ് ചെയ്തത്.
കൂടുതൽ പോസ്റ്റുകൾ കാണുവാൻ ഇവിടെ ക്ലിക്ക് ചെയ്യുക
