വിഷ്ണു ഉണ്ണികൃഷ്ണനും ബിബിന്‍ ജോര്‍ജും ആദ്യമായി സംവിധാനം ചെയ്യുന്ന ‘വെടിക്കെട്ട്’ ടീസര്‍ പുറത്തുവന്നിരിക്കുകയാണ്. ഒരു ത്രില്ലര്‍ മൂഡ് ക്രിയേറ്റ് ചെയ്താണ് ഒരു മിനിട്ട് ദൈര്‍ഘ്യമുള്ള ചിത്രത്തിന്റെ ടീസര്‍ എത്തിയിരിക്കുന്നത്. വളരെ രസകരമായ നാടന്‍ പാട്ടോടെ തുടങ്ങുന്ന കളിയിലേയ്ക്ക് പാഞ്ഞടുക്കുന്ന ഒരു സംഘത്തില്‍ നിന്നാണ് സിനിമയുടെ മൂഡ് പ്രേക്ഷകരിലേയ്ക്ക് എത്തുന്നത്. വിഷ്ണുവും ബിബിനും എത്തുന്നതും വളരെ ഗൗരവമായിത്തന്നെയാണ്. ഗുണ്ടായിസവും പോലീസും കോടതിയും ജയിലും ഒക്കെ ചിത്രത്തില്‍ കടന്നുവരും എന്ന സൂചനയും ഇവിടെ നല്‍കുന്നുണ്ട്. അടുത്തകാലത്തായി മലയാളത്തില്‍ എത്തുന്ന തല്ലുകേസുകളുടെ ശ്രേണിയിലേയ്ക്കാണോ ചിത്രം എത്തുന്നത് എന്ന ചോദ്യമാണ് ആരാധകര്‍ ഉന്നയിക്കുന്നത്.
ബാദുഷാ സിനിമാസിന്റെയും പെന്‍ ആന്‍ഡ് പേപ്പറിന്റെയും ബാനറില്‍ എന്‍.എം ബാദുഷ, ഷിനോയ് മാത്യൂ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ജിയോ ജോസഫും, ഹന്നാന്‍ മാരാമുറ്റവും ആണ് സഹനിര്‍മ്മാണം. മഞ്ജു ബാദുഷ, നീതു ഷിനോയ് എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്‌സ്. വിഷ്ണു ഉണ്ണികൃഷ്ണനും ബിബിന്‍ ജോര്‍ജും തന്നെ പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തില്‍ ഇരുന്നൂറോളം പുതുമുഖ താരങ്ങള്‍ ആണ് അഭിനയിക്കുന്നത്. പുതുമുഖം ഐശ്യര്യ അനില്‍കുമാര്‍ ആണ് ചിത്രത്തിലെ നായിക. നാളിതുവരെ കണ്ടതില്‍ വച്ച് ഏറ്റവും വ്യത്യസ്തമായ കഥാപാത്രങ്ങളായാണ് വിഷ്ണുവും ബിബിനും ചിത്രത്തില്‍ എത്തുന്നതെന്ന് ടീസറില്‍ നിന്നും വ്യക്തമാണ്.
ഇപ്പോള്‍ ചിത്രത്തിന്റെ റിലീസുമായി ബന്ധപ്പെട്ട് എന്‍ എം ബാദുഷായും ഷിനോയ് മാത്ര്യുവും വിഷ്ണു ഉണ്ണികൃഷ്ണനും ബിബിന്‍ ജോര്‍ജും അടികൂടുന്ന ഒരു വീഡിയോയാണ് ഇവര്‍ പുറത്ത് വിട്ടിരിക്കുന്നത്. ഇവര്‍ നാല് പേരും കൂടി റിലീസിനെക്കുറിച്ചുള്ള തര്‍ക്കമാണ് വീഡിയോ. കാണുമ്പോഴേ അറിയുള്ള ഫെബ്രുവരി 3 ന് പടം റിലീസ് ചെയ്യുവാനുള്ള വീഡിയോ ആണ് ഇവര്‍ പ്രൊമോഷനായി ചിത്രീകരിച്ചത്. നല്ല ക്വോളിറ്റിയോടെയുള്ള വീഡിയോ കാണുമ്പോഴേ അറിയാം ഷൂട്ട് ചെയ്തത് ആണെന്ന്. അപ്പോള്‍ത്തന്നെ നാല് പേരും കൂടി പടം റിലീസ് ഔദ്യോഗികമായി അറിയിക്കുന്നു. വീഡിയോ കാണൂ.
രതീഷ് റാം ഛായാഗ്രഹണം നിര്‍വഹിക്കുന്ന ഈ ചിത്രത്തില്‍ ജോണ്‍കുട്ടിയാണ് ചിത്രസംയോജനം. കലാ സംവിധാനം സജീഷ് താമരശ്ശേരി. ബിബിന്‍ ജോര്‍ജ്, ഷിബു പുലര്‍കാഴ്ച, വിപിന്‍ ജെഫ്രിന്‍,ജിതിന്‍ ദേവസ്സി, അന്‍സാജ് ഗോപി എന്നിവരുടെ വരികള്‍ക്ക് സംഗീതം ഒരുക്കുന്നത് ശ്യാം പ്രസാദ്, ഷിബു പുലര്‍കാഴ്ച, അര്‍ജുന്‍ വി അക്ഷയ എന്നിവര്‍ ചേര്‍ന്നാണ്. പശ്ചാത്തല സംഗീതം അല്‍ഫോണ്‍സ്, ലൈന്‍ പ്രൊഡ്യൂസര്‍ പ്രിജിന്‍ ജെ.പി, പ്രൊഡക്ഷന്‍ കണ്‍ട്രോളര്‍ സുധര്‍മ്മന്‍ വള്ളിക്കുന്ന്, മേക്കപ്പ് കലാമണ്ഡലം വൈശാഖ്, ഷിജു കൃഷ്ണ, കോസ്റ്റ്യൂം ഇര്‍ഷാദ് ചെറുകുന്ന്, ചീഫ് അസോ. ഡയറക്ടര്‍ രാജേഷ് ആര്‍ കൃഷ്ണന്‍, ആക്ഷന്‍ ഫിനിക്‌സ് പ്രഭു, മാഫിയ ശശി, സൗണ്ട് ഡിസൈന്‍ എ.ബി ജുബിന്‍, ഫിനാന്‍സ് കണ്‍ട്രോളര്‍ ഷിജോ ഡൊമിനിക്, റോബിന്‍ അഗസ്റ്റിന്‍, പ്രൊഡക്ഷന്‍ എക്‌സിക്യുട്ടീവ് സക്കീര്‍ ഹുസൈന്‍, പ്രൊഡക്ഷന്‍ മനേജേര്‍ ഹിരന്‍, നിതിന്‍ ഫ്രഡ്ഡി, നൃത്ത സംവിധാനം ദിനേശ് മാസ്റ്റര്‍, അസോ. ഡയറക്ടര്‍ സുജയ് എസ് കുമാര്‍, ഗ്രാഫിക്‌സ് നിധിന്‍ റാം, ഡിസൈന്‍: ടെന്‍പോയിന്റ്, സ്റ്റില്‍സ് അജി മസ്‌ക്കറ്റ്, പി.ആര്‍.ഒ. പി. ശിവപ്രസാദ് എന്നിവരാണ് മറ്റ് അണിയറ പ്രവര്‍ത്തകര്‍.
[…] […]