അര്ജുന് അശോകന്, അന്ന ബെന് എന്നിവര് കേന്ദ്ര കഥാപാത്രങ്ങളായ ‘ത്രിശങ്കു’ സിനിമ ഇനി ഒ.ടി.ടിയിലേക്ക്. ജൂണ് 23 മുതല് നെറ്റ്ഫ്ളിക്സില് ചിത്രം സ്ട്രീമിംഗ് ആരംഭിക്കും. മെയ് 26ന് തിയേറ്ററില് എത്തിയ ചിത്രം 21 ദിവസങ്ങള്ക്ക് ശേഷമാണ് ഒ.ടി.ടിയില് എത്തുന്നത്.ത്രിശങ്കുവിലാകുന്ന യുവതലമുറയുടെ ജീവിതത്തെ കുറിച്ചാണ് പറയാന് ശ്രമിച്ചതെങ്കിലും തിയേറ്ററില് ചിത്രം പരാജയമായിരുന്നു. ഇതോടെയാണ് റിലീസ് ചെയ്ത് ഒരു മാസം പിന്നിടുന്നതിന് മുമ്പ് തന്നെ ചിത്രം ഒ.ടി.ടിയില് എത്തുന്നത്.
read: ആദ്യദിനത്തിൽ തകർപ്പൻ കളക്ഷൻ സ്വന്തമാക്കി ആദിപുരുഷ്; കളക്ഷൻ റിപ്പോർട്ട് പുറത്തുവന്നു;
അച്യുത് വിനായക് സംവിധാനം ചെയ്ത ചിത്രത്തില് അന്നയ്ക്കും അര്ജുനുമൊപ്പം സുരേഷ് കൃഷ്ണ, സറിന് ഷിഹാബ്, നന്ദു, ഫഹിം സഫര്, ശിവ ഹരിഹരന് എന്നിവരും വേഷമിട്ടിട്ടുണ്ട്. ജയേഷ് മോഹനും അജ്മല് സാബുവും ചേര്ന്നാണ് ഛായാഗ്രഹണം നിര്വ്വഹിച്ചത്.എഡിറ്റിംഗ് രാകേഷ് ചെറുമഠവും സംഗീതം ജെകെയും നിര്വ്വഹിച്ചു. ധനുഷ് നായനാര് ആണ് സൗണ്ട് ഡിസൈനര്. അന്ധാധൂന്, മോണിക്ക ഒ മൈ ഡാര്ലിംഗ് തുടങ്ങിയ സിനിമകളാല് ശ്രദ്ധേയമായ മാച്ച്ബോക്സ് ഷോട്സ് മലയാളത്തില് ആദ്യമായി നിര്മിച്ച ചിത്രമാണ് ത്രിശങ്കു.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക