2021ലാണ് പുഷ്പയുടെ ഒന്നാം ഭാഗം പാൻ-ഇന്ത്യൻ റിലീസ് നടത്തിയത്. സാധാരണക്കാരനായൊരു കഥാപാത്രത്തിനെ ഈ ചിത്രം ഒരു ‘യൂണിവേഴ്സൽ ഹീറോ’ ആക്കിമാറ്റി. ഇപ്പോൾ ‘പുഷ്പ 2: ദ റൂൾ’ ആഗോള ഇന്ത്യൻ സിനിമാ സമവാക്യങ്ങളെ തിരുത്തുവാൻ ഒരുങ്ങുകയാണ്.
ഐക്കൺ സ്റ്റാർ അല്ലു അർജുൻറെ ജന്മദിനത്തിൽ പുഷ്പ 2 ൻറെ അണിയറപ്രവർത്തകർ ‘#Huntbeforetherule’ എന്ന ടാഗ് ലൈനിൽ ‘പുഷ്പ എവിടെ?’ എന്ന ടൈറ്റിലോടുകൂടിയുള്ള കോൺസപ്റ്റ് വീഡിയോ പുറത്തു വിട്ടുകൊണ്ട് ‘പുഷ്പ 2: ദ റൂൾ’ അനൗൺസ്മെൻറ് നടത്തിയിരിക്കുകയാണ്.
ഇതോടെ പുഷ്പയുടെ രണ്ടാം ഭാഗത്തിൽ എന്തായിരിക്കുമെന്ന ഇന്ത്യയൊട്ടാകെയുള്ള ആരാധകരുടെയും സിനിമാ പ്രേമികളുടെയും ആകാംക്ഷ വാനോളം ഉയർന്നിരിക്കുകയാണ്. എല്ലാ അർത്ഥത്തിലും പുഷ്പയുടെ റൂൾ, അഥവാ രാജവാഴ്ചയുടെ ആരംഭമാണ് കോൺസപ്റ്റ് വീഡിയോയിൽ കാണാൻ സാധിക്കുന്നത്.
ഈ വീഡിയോയുടെ റിലീസോടെ ചിത്രത്തിൻറെ അണിയറപ്രവർത്തകർ പുഷ്പയുടെ രണ്ടാം ഭാഗം ഒന്നാം ഭാഗത്തെക്കാൾ എന്തുകൊണ്ടും ഒരുപിടി മുന്നിൽ നിൽക്കുന്നതായിരിക്കുമെന്ന് ഉറപ്പുനൽകുന്നുണ്ട്. സുകുമാറാണ് ‘പുഷ്പ 2: ദ റൂൾ’സംവിധാനം ചെയ്യുന്നത്. അല്ലു അർജുൻ, രഷ്മികാ മന്ദാന, ഫഹദ് ഫാസിൽ എന്നിവർ മുഖ്യവേഷങ്ങളിൽ എത്തുന്ന ചിത്രം നിർമ്മിച്ചിരിക്കുന്നത് മൈത്രി മൂവി മേക്കേഴ്സാണ്.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക