ദളപതി വിജയ് തന്റെ സോഷ്യല് മീഡിയ പേജിലൂടെയാണ് വിജയ് 68 ചിത്രം പ്രഖ്യാപിച്ചിരിക്കുന്നത്. എജിഎസ് എന്റര്ടൈന്മെന്റ്സ് ആണ് നിര്മാണം. ലോകേഷ് കനരാജിന്റെ ‘ലിയോ’യ്ക്ക് ശേഷം വിജയ് വെങ്കട് പ്രഭുവിന്റെ സെറ്റില് ജോയിന് ചേരുമെന്നാണ് റിപ്പോര്ട്ടുകള്. ‘മാനാട്’, ‘മങ്കാത്ത’, ‘ചെന്നൈ 600028’ എന്നീ ചിത്രങ്ങള് ഒരുക്കിയ സംവിധായകന് വെങ്കട്ട് പ്രഭുവും വിജയ്യും ആദ്യമായി സഹകരിക്കുന്ന ചിത്രം കൂടിയാണ് ദളപതി 68.
ALSO READ: ‘ദേവര’ യായി ജൂനിയര് എന്ടിആര്; ദേവര ഫസ്റ്റ്ലുക്ക് പോസ്റ്റർ പുറത്ത്.
യുവന് ശങ്കര് രാജ ആണ് സംഗീത സംവിധാനം. 2003ല് റിലീസ് ചെയ്ത ‘പുതിയ ഗീതൈ’യ്ക്ക് ശേഷം വിജയ്ക്കൊപ്പമുള്ള യുവന്റെ രണ്ടാമത്തെ പ്രോജക്റ്റ് കൂടിയാണിത്. 2024ല് ചിത്രം റിലീസ് ചെയ്യുമെന്നാണ് സ്ഥിരീകരിക്കാത്ത റിപ്പോര്ട്ടുകള്. ചിത്രത്തിലെ മറ്റ് അണിയറ പ്രവര്ത്തകരെയും അഭിനേതാക്കളെയും കുറിച്ചുള്ള വിവരങ്ങള് ഉടന് പുറത്തു വരും.
ALSO READ: എമ്പുരൻ അപ്ഡേറ്റുകൾ ലാലേട്ടൻ്റെ പിറന്നാളിന്; കാത്തിരുന്ന് ആരാധകർ
ലോകേഷ് കനകരാജ് സംവിധാനം ചെയ്യുന്ന ചിത്രം ലിയോയാണ് വിജയ്യുടേതായി ചിത്രീകരണം ഇപ്പോള് പുരോഗമിക്കുന്നത്.തൃഷ ആണ് ചിത്രത്തില് നായിക. ഗൗതം വാസുദേവ് മേനോന്, അര്ജുന്, മാത്യു തോമസ്, മിഷ്കിന്, സഞ്ജയ് ദത്ത്, പ്രിയ ആനന്ദ്, ബാബു ആന്റണി എന്നിവരും ലോകേഷ് കനകരാജ് സംവിധാനം ചെയ്യുന്ന വിജയ് ചിത്രത്തില് പ്രധാന കഥാപാത്രങ്ങളായി വേഷമിടുന്നു.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക