ലോകേഷ് കനകരാജ് സംവിധാനം ചെയ്ത വിക്രം തുടങ്ങി ഒരുപിടി ഹിറ്റ് ചിത്രങ്ങളിലൂടെ പ്രേക്ഷകരുടെ പ്രീതി പിടിച്ചുപറ്റിയ തമിഴ് താരമാണ് ജാഫർ സാദിഖ്. ഈയിടെ പുറത്തിറങ്ങിയ നെൽസൺ-രജനി ചിത്രം ജയിലറിലും ജാഫറിന്റെ ശ്രദ്ധേയ സാന്നിധ്യമുണ്ട്. തന്റെ ജീവിതത്തിലെൽ ഒരു വിലപ്പെട്ട വസ്തു സ്വന്തമാക്കിയ വിവരം പങ്കുവെച്ചിരിക്കുകയാണ് ജാഫർ സാദിഖ് ഇപ്പോൾ. ജയിലർ എന്ന ചിത്രത്തിലെ പ്രധാനപ്പെട്ട സ്റ്റൈലിഷ് രംഗങ്ങളിലൊന്നിൽ കറുത്ത കണ്ണട ധരിച്ചാണ് നായകൻ രജനികാന്ത് പ്രത്യക്ഷപ്പെടുന്നത്.
Read: ഏറെ നാളത്തെ പ്രണയത്തിനൊടുവിൽ യുവനടൻ കവിൻ വിവാഹിതനായി.
സൂപ്പർ താരം ധരിച്ച ഈ കണ്ണട താൻ സ്വന്തമാക്കി എന്നാണ് ജാഫർ സാദിഖ് പറഞ്ഞത്. ഞാൻ ചോദിച്ചു, അദ്ദേഹം തന്നു എന്നാണ് ഇതേക്കുറിച്ച് ജാഫർ ട്വീറ്റ് ചെയ്തത്.കണ്ണടയുടെ ചിത്രങ്ങളും തന്റെ പഴയ ചിത്രവും ജാഫർ പോസ്റ്റ് ചെയ്തിട്ടുണ്ട്. എല്ലാം ചിത്രങ്ങൾ പറയുമെന്നും ട്വീറ്റിലുണ്ട്.
കഴിഞ്ഞമാസം നാലാം തീയതിയാണ് സൂപ്പർ സ്റ്റാറിൽ നിന്നുള്ള സമ്മാനം ഏറ്റുവാങ്ങിയതെന്നുള്ള സൂചനയും എക്സിൽ പങ്കുവെച്ച കുറിപ്പിലുണ്ട്. പാവ കഥൈകൾ, വെന്ത് തണിന്തത് കാട് തുടങ്ങിയവയാണ് ജാഫർ സാദിഖിന്റെ പ്രധാന തമിഴ് ചിത്രങ്ങൾ. ഈയിടെ വോയിസ് ഓഫ് സത്യനാഥൻ എന്ന ചിത്രത്തിലൂടെ അദ്ദേഹം മലയാളത്തിലുമെത്തിയിരുന്നു.അതേസമയം ആഗോളതലത്തിൽ അഞ്ഞുറുകോടി കളക്ഷനും കടന്ന് കുതിക്കുകയാണ് ജയിലർ.
Read: റിലീസ് തീയതിയില്‍ വീണ്ടും ട്വിസ്റ്റ്; വാലിബനു മുമ്പേ ബറോസ് എത്തും
ടൈഗർ മുത്തുവേൽ പാണ്ഡ്യൻ എന്ന കഥാപാത്രമായാണ് രജനികാന്ത് എത്തിയത്. വിനായകനാണ് വില്ലൻവേഷത്തിൽ. മാത്യു എന്ന കഥാപാത്രമായി മോഹൻലാൽ, നരസിംഹയായി ശിവരാജ്കുമാർ എന്നിവർ കാമിയോ വേഷങ്ങളിലെത്തി. രമ്യാ കൃഷ്ണൻ, തമന്ന, സുനിൽ, വസന്ത് രവി, മിർണാ മേനോൻ, ജാക്കി ഷ്റോഫ് എന്നിവരും താരനിരയിലുണ്ടായിരുന്നു. സൺ പിക്ചേഴ്സിന്റെ ബാനറിൽ കലാനിധി മാരനാണ് ജയിലറിന്റെ നിർമാണം.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക