തലൈവര്‍ 171 എന്ന് താല്‍ക്കാലികമായി പേരിട്ട ചിത്രത്തിന്റെ പുതിയ അപ്‌ഡേറ്റ് സോഷ്യല്‍ മീഡിയയില്‍ വൈറലായിരുന്നു. രജനികാന്തിന്റെ ഒരു സ്‌റ്റൈലിഷ് മോണോക്രോം ചിത്രം പങ്കുവച്ചാണ് ചിത്രത്തിന്റെ ടൈറ്റില്‍ പ്രഖ്യാപനത്തെ കുറിച്ചുള്ള അപ്‌ഡേറ്റ് എത്തിയത്. ഏപ്രില്‍ 22ന് ചിത്രത്തിന്റെ ടൈറ്റില്‍ പുറത്തുവിടും എന്ന വിവരമാണ് കഴിഞ്ഞ ദിവസം പുറത്തുവന്നത്.രജനികാന്തിന്റെ പോസ്റ്ററിനെ കുറിച്ചുള്ള ചര്‍ച്ചകളാണ് സോഷ്യല്‍ മീഡിയയില്‍ ഇപ്പോള്‍ ട്രെന്‍ഡിംഗ് ആകുന്നത്. സ്വര്‍ണ നിറമുള്ള വിലങ്ങ് വച്ച് സ്വര്‍ണ ഫ്രെയിമുള്ള കണ്ണട ധരിച്ചാണ് തലൈവര്‍ 171ന്റെ പോസ്റ്ററില്‍ രജനികാന്ത് പ്രത്യക്ഷപ്പെട്ടിരിക്കുന്നത്.
READ: ‘ഷുക്കൂറിന്റെ ജീവിത കഥയല്ല ആടുജീവിതം, അത് എന്റെ നോവൽ;’ വിവാദത്തിൽ വിശദീകരണവുമായി ബെന്യാമിൻ
ഇതോടെ പോസ്റ്ററിന് എല്‍സിയുവിലെ റോളക്‌സുമായി ബന്ധമുണ്ട് എന്ന തരത്തിലുള്ള ചര്‍ച്ചകളാണ് ഉയരുന്നത്.ലോകേഷ് സിനിമാറ്റിക് യൂണിവേഴ്‌സിലെ ഹിറ്റ് ചിത്രമായ ‘വിക്രം’ ചിത്രത്തില്‍ സൂര്യ അവതരിപ്പിച്ച കഥാപാത്രമാണ് റോളക്‌സ്. രജനിയുടെ കഥാപാത്രം റോളക്‌സിന്റെ അച്ഛന്‍ ആയിരിക്കുമോ എന്ന് ചോദിച്ചു കൊണ്ടുള്ള കമന്റുകളാണ് ഇപ്പോള്‍ ഉയരുന്നത്. റോളക്‌സിന്റെ ഡാഡി വരികയാണ് എന്ന കമന്റുകളും പ്രചരിക്കുന്നുണ്ട്.എന്നാല്‍ തലൈവര്‍ 171 എല്‍സിയുവില്‍ പെടുന്ന ചിത്രമായിരിക്കില്ല എന്ന് ലോകേഷ് കനകരാജ് നേരത്തെ വ്യക്തമാക്കിയിരുന്നു. തലൈവര്‍ 171 ഒരു സ്റ്റാന്‍ഡ് എലോണ്‍ ചിത്രമായിരിക്കും എന്നായിരുന്നു ലോകേഷ് പറഞ്ഞത്.തലൈവര്‍ 171ന്റെ ചിത്രീകരണം ഉടന്‍ തന്നെ ആരംഭിക്കും എന്ന് ലോകേഷ് ഒരു അഭിമുഖത്തില്‍ പങ്കുവച്ചിരുന്നു. അതിന് മുന്നോടിയായി ഒരു ടീസര്‍ പുറത്തുവിടുമെന്നും ലോകേഷ് ഒരു തമിഴ് യൂട്യൂബ് ചാനലിന് നല്‍കിയ അഭിമുഖത്തില്‍ വ്യക്തമാക്കി. ചിത്രത്തിന്റെ ടൈറ്റില്‍ ടീസര്‍ ആകും എത്തുക എന്നാണ് സൂചനകള്‍.