മലയാളത്തിൻ്റെ സ്വന്തം ദുൽഖർ സൽമാനും സംവിധായകൻ ടിനു പാപ്പച്ചനും ഒരുമിക്കുന്ന ബിഗ് ബജറ്റ് ചിത്രം അണിയറയിൽ ഒരുങ്ങുന്നതായി ഈയടുത്ത് റിപ്പോർട്ടുകൾ വന്നിരുന്നു. ദുൽഖർ സൽമാൻ്റെ ഉടമസ്ഥതയിലുള്ള വേഫെറർ ഫിലിംസാണ് ഈ ആക്ഷൻ മാസ് എൻറർടെയ്നറായി ഒരുക്കുന്ന ചിത്രം പ്രഖ്യാപിച്ചത്.ചിത്രത്തിന്റെ ഷൂട്ടിങ് അടുത്ത വർഷം ആരംഭിക്കാനിരിക്കുകയാണ്. എന്നാൽ ചിത്രത്തിൽ ദുൽഖറിന് പകരം ആസിഫ് അലി നായകനാകും എന്ന രീതിയിൽ ഇപ്പോൾ സോഷ്യൽമീഡിയയിൽ വാർത്തകൾ പ്രചരിക്കുന്നുണ്ട്. ഇത് തീർത്തും വ്യാജവാർത്തയാണെന്നും ദുൽഖർ സൽമാൻ തന്നെയായിരിക്കും സിനിമയിലെ നായകൻ എന്നും അറിയിച്ചിരിക്കുകയാണ് അണിയറപ്രവർത്തകർ.ദുൽഖറിനോടൊപ്പമുള്ള ഫോട്ടോ പങ്കുവെച്ചുകൊണ്ട് തൻറെ പുതിയ ചിത്രത്തെക്കുറിച്ച് ടിനു പാപ്പച്ചൻ സോഷ്യൽമീഡിയയിൽ ഒരു കുറിപ്പ് സിനിമയുടെ പ്രഖ്യാപന വേളയിൽ പങ്കുവെച്ചിരുന്നു.
Read: “അദ്ദേഹത്തെ കണ്‍മുന്നില്‍ കണ്ടപ്പോള്‍ ഞാന്‍ വിറയ്ക്കുകയായിരുന്നു”; കമൽ ഹാസനൊപ്പം ജൂഡ് ആന്തണി.
‘ദുൽഖർ സൽമാനുമൊത്തുള്ള എൻറെ സിനിമയെക്കുറിച്ച് ഏറെ ആവേശത്തോടെ പങ്കുവയ്ക്കുകയാണ്. വേഫെറർ ഫിലിംസാണ് നിർമ്മാണം. അവിസ്മരണീയമായ ഒരു യാത്രയ്ക്കായി ഒരുങ്ങിക്കോളൂ’, എന്നാണ് ടിനു പാപ്പച്ചൻ അന്ന് കുറിച്ചത്. സിനിമയുടെ സംഗീതം ജസ്റ്റിൻ വർഗ്ഗീസും ഛായാഗ്രഹണം ജിൻറോ ജോർജ്ജുമാണ് നിർവ്വഹിക്കുന്നത്. സിനിമയിലെ മറ്റ് താരങ്ങളെക്കുറിച്ചുള്ള വിവരങ്ങൾ പുറത്തുവിട്ടിട്ടില്ലഅതേസമയം, ദുൽഖർ സൽമാൻ നായകനാകുന്ന ‘കിങ് ഓഫ് കൊത്ത’ ഓണം റിലീസിനായി ഒരുങ്ങുകയാണ്. സംവിധായകൻ ജോഷിയുടെ മകൻ അഭിലാഷ് ജോഷി ആദ്യമായി സംവിധാനം ചെയ്യുന്ന ചിത്രം കൂടിയാണ് ‘കിങ് ഓഫ് കൊത്ത’. ടിനു പാപ്പച്ചൻ ഒരുക്കിയ ‘ചാവേർ’ എന്ന കുഞ്ചാക്കോ ബോബൻ ചിത്രവും ഉടൻ റിലീസിന് ഒരുങ്ങുകയുമാണ്. ‘സ്വാതന്ത്ര്യം അർദ്ധരാത്രിയിൽ’, ‘അജഗജാന്തരം’ എന്നീ സൂപ്പർഹിറ്റുകൾക്ക് ശേഷം ടിനു പാപ്പച്ചൻ സംവിധാനം ചെയ്യുന്ന സിനിമയാണ് ‘ചാവേർ’.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക