റീൽ ലൈഫിൽ അടിപൊളി അച്ഛനും കുറുമ്പിയായ മകളുമായി പ്രേക്ഷക ഹൃദയങ്ങൾ കീഴടക്കിയ താരങ്ങളാണ് ബിജു സോപാനവും ശിവാനിയും. ഉപ്പും മുളകും എന്ന പരമ്പരയിലൂടെയാണ് ഇവർ ഈ താരപദവി നേടിയെടുത്തത്. ഇപ്പോളിതാ ഇരുവരും ഒന്നിച്ചെത്തുന്ന ചിത്രമായ ‘റാണി’ റിലീസിനൊരുങ്ങുകയാണ്. ഒക്ടോബർ ആറിനാണ് ചിത്രം തീയേറ്ററിലെത്തുന്നത്.
എസ്എംടി പ്രൊഡക്ഷൻസ്, റിഷാദ് എന്റർടൈമെന്റ്സ് എന്നീ ബാനറുകളിൽ നിസാമുദ്ദീൻ നാസർ സംവിധാനം ചെയ്യുന്ന സിനിമയ്ക്ക് യു സെൻസർ സർട്ടിഫിക്കറ്റ് ലഭിച്ചിരുന്നു. തികച്ചും ഒരു പക്കാ കുടുംബ ചിത്രം ആയ ഈ സിനിമയുടെ കഥ ഒരുക്കിയിരിക്കുന്നത് മണി എസ് ദിവാകറും സംവിധായകൻ നിസാമുദ്ദീൻ നാസറും ചേർന്നാണ്.
ജയൻ ചേർത്തല, കുളപ്പുള്ളി ലീല, മഖ്ബൂൽ സൽമാൻ, കണ്ണൻ പട്ടാമ്പി, അൻസാൽ പള്ളുരുത്തി, റിയാസ് പത്താൻ, ജെൻസൺ ആലപ്പാട്ട്, കവിത ബൈജു, ദാസേട്ടൻ കോഴിക്കോട്, ആരോമൽ ബി എസ്, ശ്രീദേവ് പുത്തേടത്ത് എന്നിവരാണ് മറ്റ് അഭിനേതാക്കൾ. ചിത്രത്തിൻറെ ഛായാഗ്രഹണം നിർവഹിക്കുന്നത് അരവിന്ദ് ഉണ്ണിയും എഡിറ്റിംഗ് വി.ഉണ്ണികൃഷ്ണനും ആണ്. രാഹുൽ രാജിന്റേതാണ് സംഗീതം. മുനീർ പൊന്നൽപ് ആണ് ചീഫ് അസോസിയേറ്റ് ഡയറക്ടർ.
ALSO READ: ലിയോ ഓഡിയോ ലോഞ്ച് ക്യാന്‍സല്‍ ചെയ്ത് നിര്‍മ്മാതാക്കള്‍; ആരാധകര്‍ നിരാശയില്‍
സജീഷ് ഫ്രാൻസിസ് ശ്രീദേവി പുത്തേടത്ത് എന്നിവരാണ് അസോസിയേറ്റ് ഡയറക്ടർമാർ. ആർട്ട്: ഷിനോയി കട്ടപ്പന, മേക്കപ്പ്: ഹെന്ന ആൻഡ് ദീപിക, കോസ്റ്റ്യൂം : ദിയ കൃഷ്ണ, സെക്കൻഡ് യൂണിറ്റ് ക്യാമറ മുഹമ്മദ് റാഫിയും ലൊക്കേഷൻ മാനേജർ ജയ്സൺ കട്ടപ്പനയുമാണ്. ചിത്രത്തിൻറെ സ്റ്റുഡിയോ മാജിക് മാംഗോ ഫിലിം സ്റ്റുഡിയോയും, ഡി ആൻഡ് എസ് മീഡിയ വർക്ക്സ്റ്റേഷൻ കൊച്ചിയും ആണ്.
ചിത്രത്തിൻറെ വി എഫ് എക്സ് ഒരുക്കിയിരിക്കുന്നത് ബെർലിൻ ആണ്. ശ്രീജിത്ത് ശങ്കർ ആണ് സൗണ്ട് ഡിസൈനർ, കളർ ഹരീഷ്, മാർക്കറ്റിംഗ് പ്രമോഷൻസ് ബിസി ക്രിയേറ്റീവ്, സ്റ്റിൽസ് അംബരീഷും, ഡിസൈൻ അതുൽ കോൾഡ് ബ്രുവുമാണ് നിർവഹിച്ചിരിക്കുന്നത്.
കൂടുതൽ പോസ്റ്റുകൾ കാണുവാൻ ഇവിടെ ക്ലിക്ക് ചെയ്യുക
