പാലക്കാട് സ്കൂൾ ആഘോഷത്തിൽ നടൻ ജയറാമിനൊപ്പം വേദി പങ്കിട്ട് ജയം രവി.

പാലക്കാട് പള്ളിക്കുറിശ്ശിയിലെ ശബരി ഹയർ സെക്കൻഡറി സ്കൂളിലെ ‘2023 സവിധം’ ആഘോഷത്തിൽ വിദ്യാർത്ഥികളോടൊപ്പം സമയം പങ്കുവെച്ച് മലയാളത്തിന്റെ പ്രിയ നടൻ ജയറാമും ഒപ്പം തമിഴ് സൂപ്പർതാരം ജയം രവിയും. ജയറാമിനെയും ജയം രവിയും കൂടാതെ പാർവതി ജയറാം, മാളവിക ജയറാം എന്നിവരും മുഖ്യ അതിഥികൾ ആയിരുന്നു. സ്കൂളിന്റെ സൗജന്യ സൈക്കിൾ വിതരണ ചടങ്ങ് ഉദ്ഘാടനം ചെയ്തത് നടൻ ജയറാമായിരുന്നു. സ്കൂൾ കാലഘട്ടമാണ് ജീവിതത്തിലെ ഏറ്റവും പ്രധാനപ്പെട്ട സമയമെന്നും വിദ്യാർത്ഥികൾ എല്ലാവരും മുൻ പ്രസിഡന്റ് എപിജെ അബ്ദുൽ കലാം സാറിനെ പോലെ എളിമയും പ്രവർത്തനങ്ങളും മാതൃകയാക്കണമെന്നും ജയറാം പറഞ്ഞു.

ജയം രവിയുടെ പ്രസംഗത്തിന് നിറഞ്ഞ കയ്യടികളാണ് സദസ്സിൽ നിന്നും ലഭിച്ചത്. ‘ഗീതാഞ്ജലി കോൺഫ്രൻസ് ഹാൾ’ നടൻ ജയം രവി ഉദ്ഘാടനം ചെയ്തു. ‘ഹൈടെക് കിച്ചൻ ഹാർട്ട്’ എംഎൽഎ ശാന്തകുമാരി അവർകളും ‘സൗരോർജ കിച്ചൻ പദ്ധതി സമർപ്പണം’ നടി പാർവതി ജയറാമും ഉദ്ഘാടനം ചെയ്തു.

Also Read: മലയാള സിനിമ കൾച്ചറിനെ വിമർശിച്ച് നടി സംയുക്ത. താരം പറഞ്ഞതിൽ കഴമ്പുണ്ടെന്ന് പ്രേക്ഷകർ.

കരാക്കുറുശ്ശി എന്ന് പഞ്ചായത്ത് സ്ഥിരം സമിതി അധ്യക്ഷ പ്രിയാനാരായണൻകുട്ടിയാണ് ‘കംഫർട്ട് കോംപ്ലക്സ്’ ഉദ്ഘാടനം ചെയ്തത്. പ്രമുഖർ പങ്കെടുത്ത പരിപാടിയിൽ അധ്യക്ഷയായത് പഞ്ചായത്ത് അധ്യക്ഷ വി പ്രേമലതയാണ്. സ്കൂളിൽ പ്രസിദ്ധീകരിച്ച ‘ദ ഡാൻസ്’ എന്ന പത്രം പ്രിൻസിപ്പൽ എ.ബിജുവും പ്രധാനാദ്ധ്യാപകൻ പ്രശാന്ത് മാധവും ചേർന്ന് ഉദ്ഘാടനം നിർവഹിച്ചു.

കൂടുതൽ പോസ്റ്റുകൾ കാണുവാൻ ഇവിടെ ക്ലിക്ക് ചെയ്യുക.