തെന്നിന്ത്യൻ സിനിമകളിലെ നിറ സാന്നിധ്യമായിരുന്ന നടി ഷക്കീലയെ അറിയാത്തവരായി ആരും തന്നെ ഉണ്ടാവില്ല. ഒരുകാലത്ത് സൂപ്പർതാര ചിത്രങ്ങൾക്ക് പോലും ഷക്കീലാ ചിത്രങ്ങൾ വെല്ലുവിളി ഉയർത്തിയിരുന്നു. ഇപ്പോൾ സിനിമാ തിരക്കുകളിൽ നിന്നും ഒഴിഞ്ഞ് നിൽക്കുകയാണ് താരം.
അതേസമയം ടെലിവിഷൻ പരിപാടികളിലൂടേയും തമിഴ് സിനിമകളിലൂടേയും ഷക്കീല തിരികെ എത്തിയിരുന്നു. മാദക നടിയായാണ് ഷക്കീല അറിയപ്പെട്ടിരുന്നത്. ഇപ്പോഴിതാ സിൽക്ക് സ്മിതയെ കുറിച്ച് നടി ഷക്കീല പറഞ്ഞ വാക്കുകൾ ശ്രദ്ധനേടുകയാണ്.
സിൽക്കുമായി തനിക്ക് നല്ല ബന്ധം ഉണ്ടാക്കാനായില്ലെന്ന് ഷക്കീല പറഞ്ഞു. ഫ്‌ളവേഴ്‌സ് ചാനലിലെ ഒരു കോടി എന്ന പരിപാടിയിൽ വെച്ചാണ് ഷക്കീല മനസ് തുറന്നത്. സിൽക്ക് സ്മിത മരിച്ചപ്പോൾ പോലും താൻ കാണാൻ പോയില്ലെന്നും അവരോട് ദേഷ്യമുണ്ടായിരുന്നുവന്നും ഷക്കീല പറയുന്നു.ഷക്കീലയുടെ വാക്കുകൾ ഇങ്ങനെ ‘സിൽക്ക് സ്മിതയുമായി എനിക്ക് ഒരു നല്ല ബന്ധമുണ്ടാക്കാനായില്ല.
കാരണം അവർ ആരോടും അധികം സംസാരിക്കില്ല. എനിക്ക് വേണമെങ്കിൽ കള്ളം പറയാം, ഞാനും അവരും വളരെ ക്ലോസായിരുന്നുവെന്ന്. അവർ മരിച്ചു പോയല്ലോ. പക്ഷെ യാഥാർത്ഥ്യം അതല്ല. ഞാൻ ഹായ് പറഞ്ഞാൽ പോലും മുഖം തിരിക്കുമായിരുന്നു.
ALSO READ : സാമന്തയുടെ ‘ശാകുന്തളം’ ട്രെയിലർ പുറത്ത്.
രാവിലെ ഗുഡ് മോണിംഗ് ചേച്ചിയെന്ന് പറഞ്ഞാലും മുഖം തിരിക്കും. അവരുടെ സ്വഭാവം അങ്ങനെയാണ്. മരിച്ചപ്പോൾ പോലും ഞാൻ കാണാൻ പോയില്ലായിരുന്നു. കാരണം എനിക്ക് അവരോട് ദേഷ്യമുണ്ടായിരുന്നു. ഒരു ഷോട്ടിൽ എന്നെ കരണത്തടിക്കുന്നുണ്ടായിരുന്നു.
പക്ഷെ അവർ ശരിക്കും അടിച്ചു. നാണക്കേട് തോന്നി ഞാൻ കരഞ്ഞു. അപമാനഭാരം മൂലം ഇനി അവിടേക്ക് അഭിനയിക്കാൻ വരില്ലെന്ന് ഞാൻ പറഞ്ഞു. അവർ എന്താ വലിയ മിനിസ്റ്റർ ആണോ എന്നെ അടിക്കാൻ എന്നാണ് ഞാൻ ഡാഡിയോടും സംവിധായകനോടും ചോദിച്ചത്’- ഷക്കീല പറയുന്നു.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക