സൂപ്പർഹിറ്റ് ഗാനങ്ങൾ സമ്മാനിച്ച സംഗീത സംവിധായകൻ ശ്രീജിത്ത് ഇടവന ആദ്യമായി സംവിധാനം ചെയ്യുന്ന ‘സിക്കാഡ ‘ എന്ന പാൻ ഇന്ത്യൻ ചിത്രത്തിന്റെ ടൈറ്റിൽ ലോഞ്ചും പോസ്റ്റർ പ്രകാശനവും നടൻ ടൊവിനോ തോമസ് നിർവഹിച്ചു. മലയാള സിനിമയിലെ അറുപതോളംസിനിമാപ്രവർത്തകർ അവരുടെ സോഷ്യൽ മീഡിയ പേജിലൂടെ പോസ്റ്റർ പങ്കുവച്ചു.
Read: ബോക്സോഫീസിൽ മിന്നിത്തിളങ്ങി വോയ്സ് ഓഫ് സത്യനാഥൻ; ആദ്യ ആഴ്ചയിൽ ചിത്രം നേടിയത് കോടികൾ.
സർവവൈവൽ ത്രില്ലർ ശ്രേണിയിലേക്ക് കടന്നുവരുന്ന സിക്കാഡ മലയാളം, തമിഴ്, കന്നഡ, തെലുങ്ക് ഭാഷകളിലാണ് നിർമിക്കുന്നത്.അൽഫോൻസ് പുത്രന്റെ സംവിധാനത്തിൽ നിവിൻ പോളിയും നസ്രിയയും അഭിനയിച്ച ‘നെഞ്ചോട് ചേർത്ത്’ എന്ന ഗാനത്തിലൂടെയാണ് ശ്രീജിത്ത് ഇടവന സംഗീതപ്രേമികളുടെ ഇഷ്ടം നേടുന്നത്. ശിക്കാരി ശംഭു, മധുരനാരങ്ങ, തിരിമാലി തുടങ്ങി ഒട്ടേറെ ചിത്രങ്ങളുടെ സംഗീതസംവിധാനം നിർവഹിച്ച ശ്രീജിത്ത്, താരം പതിപ്പിച്ച കൂടാരം, കാതൽ എൻ കവിയെ, മെല്ലെ വന്നു കൊഞ്ചിയോ തുടങ്ങിയ ജനപ്രിയ ഗാനങ്ങളിലൂടെ സംഗീത രംഗത്ത് തന്റെ സാന്നിദ്ധ്യം ഉറപ്പായ ആത്മവിശ്വാസവുമായാണ് ശ്രീജിത്ത് സംവിധായകന്റെ കുപ്പായമിടുന്നത്. സിക്കാഡയുടെ രചനയും സംഗീതസംവിധാനവും നിർവഹിക്കുന്നത് ശ്രീജിത്ത് ഇടവന തന്നെയാണ്.
Read: ‘എ’ സർട്ടിഫിക്കറ്റ് നേടി അക്ഷയ് കുമാർ ചിത്രം; റിലീസ് തീയതി പ്രഖ്യാപിച്ചു.
നാലുഭാഷകളിലും വ്യത്യസ്തഗാനങ്ങളുമായാണ് സിക്കാഡ എത്തുക എന്ന പ്രത്യേകതയുമുണ്ട്. തീർണ ഫിലിംസ് ആന്റ് എന്റർടൈൻമെന്റിന്റെ ബാനറിൽ വന്ദന മേനോൻ,ഗോപകുമാർ പി എന്നിവർചേർന്ന് നിർമിക്കുന്ന ഈ ചിത്രത്തിൽ പ്രമുഖതാരങ്ങൾ അണിനിരക്കുന്നു. യുവടൻ രജിത് പത്തു വർഷത്തിനു ശേഷം പുതിയ ഗെറ്റപ്പിൽ തിരിച്ചെത്തുകയാണ്,ഈ ചിത്രത്തിലൂടെ. 2018, തലൈനഗരം 2 ഉൾപ്പെടെ തെന്നിന്ത്യൻ സിനിമയിൽ സ്വഭാവവേഷങ്ങളിലൂടെ തിളങ്ങുന്ന ജെയ്സ് ജോസ് പള്ളിപ്പാടൻ കരുത്തുറ്റ വേഷത്തിലുണ്ട്. ഗായത്രി മയൂര നായികയായി എത്തുന്നു.നവീൻ രാജ് ഛായാഗ്രഹണം നിർവഹിക്കുന്നു. എഡിറ്റിംങ്-ഷൈജിത്ത് കുമരന,ഗാനരചന വിവേക് മുഴക്കുന്ന്.
Read: ‘ബാർബി’ സംവിധായക ഗ്രേറ്റ്ക്ക് എ.ഡി.എച്ച്.ഡി രോഗാവസ്ഥ; എന്താണ് എ.ഡി.എച്ച്.ഡി?
പ്രൊഡക്ഷൻ കൺട്രോളർ രാജേഷ് കെ മത്തായി, ഓഡിയോഗ്രാഫി ആഡ് ലിൻ സൈമൺ ചിറ്റിലപ്പിള്ളി, സൗണ്ട് എഡിറ്റർ-സുജിത് സുരേന്ദ്രൻ, ശബ്ദമിശ്രണം ഫസൽ എ ബക്കർ സ്റ്റുഡിയോഎസ്.എ. സ്റ്റുഡിയോ, കലാസംവിധാനംഉണ്ണി എൽദോ, കോസ്റ്റ്യൂംജെസിയ ജോർജ്, നൃത്തസംവിധാനംറ്റീഷ്യ ,മേക്കപ്പ്-ജീവ. കോപ്രൊഡ്യൂസർ ശ്രീനാഥ് രാമചന്ദ്രൻ, കെവിൻ ഫെർണാണ്ടസ്, സൽമാൻ ഫാരിസ്, ഗൗരി ടിംബൽ,പ്രവീൺ രവീന്ദ്രൻ ലൈൻ പ്രൊഡ്യൂസർദീപക് വേണുഗോപാൽ, അനീഷ് അട്ടപ്പാടി, പ്രജിത്ത് നമ്പ്യാർ, ഉണ്ണി എൽദോ,സ്റ്റിൽസ്അലൻ മിഥുൻ,പോസ്റ്റർ ഡിസൈൻമഡ് ഹൗസ്, പിആർഒ എ.എസ്. ദിനേശ്. ബാംഗ്ലൂർ, കൊച്ചി, അട്ടപ്പാടി എന്നിവിടങ്ങളിലായി ചിത്രീകരണം പൂർത്തിയാക്കിയ ‘സിക്കാഡ ‘ ഉടൻ പ്രദർശനത്തിനെത്തും.
കൂടുതൽ പോസ്റ്റുകൾ കാണുവാനായി ഇവിടെ ക്ലിക്ക് ചെയ്യുക